Тоҷикистонро дар мусобиқаи «Tbilisi Grand Slam-2024» оид ба ҷудо 9 варзишгар муаррифӣ менамояд
АКС: Федератсияи ҷудои ТоҷикистонДастаи мунтахаби Тоҷикистон дар мусобиқаи «Tbilisi Grand Slam-2024» оид ба гӯштини ҷудо иштирок менамояд. Мусобиқа аз 22 то 24 март бо иштироки 541 ҷудочӣ аз 83 давлати ҷаҳон баргузор мегардад. Дар ин хусус шореҳи варзиши АМИТ «Ховар» бо истинод ба Федератсияи ҷудои Тоҷикистон хабар медиҳад.
Тоҷикистонро дар ин мусобиқа 9 варзишгар, аз ҷумла Аҳлия Муъминова дар вазни то 52кг, Муҳаммадсолеҳ Қувватов ва Ҳақдод Гулов, ҳарду дар вазни то 60кг, Обид Ҷебов дар вазни то 66кг, Абубакр Шеров дар вазни то 73кг, Сомон Маҳмадбеков дар вазни то 81кг, Комроншоҳи Устопириён дар вазни то 90кг ва Ҷаҳонгир Маҷидов ва Абубакри Акобир, ҳарду дар вазни то 100кг муаррифӣ менамояд.
